نكات مساطيل

نكات مساطيل

باقة مختارة من نكات المساطيل
لعلها تنال رضاكم وتكون دي أول مرة تسمعوها!!!
**************

مسطول ما بصلي
أهلوا شغالين فيهو نقة ياولد صلي ياولد أمشي المسجد احسن ليك تصلي قبال تموت.... قام زهج منهم مشي ليك الجامع عشان يصلي...
لقي جماعة التبليغ معسكرين في الجامع، ومغسلين ملابسهم، وشادين حلة جوه حوش الجامع....
رجع البيت لأهله وقاليهم: تنقو تنقو آها الجامع ذااتو أجروه لعزابة!!!
**************

ﻣﺬﻳﻌﻪ ﻋﺎﻣﻠﻪ ﺣﻮﺍﺭ ﻣﻊ ﻣﺴﻄﻮﻝ ﻋﻨﺪﻭ ﻣﺰﺭﻋﺔ...
عنده بقرتين، واحدة بيضا والتانية سودا
ﻓﺒﺘﺴﺄﻟﻪ: ﺑﺘﺄﻛﻠﻬﻢ ﺷﻨﻮ ؟
ﻗﺎﻝ ﻟﻴﻬﺎ: البيضا وللا السودا ؟
قالت ليهو: البيضا
قال ليها: برسيم
قالت ليه: والسودا ؟
ﻗﺎﻝ ﻟﻴﻬﺎ: برضو برسيم
قالت ليه: وبنوموا وين ؟
ﻗﺎﻟ ليها: البيضا وللا السودا ؟
قالت ليهو: البيضا
قال ليها: في المزرعة
قالت ليه: والسودا ؟
ﻗﺎﻝ ﻟﻴﻬﺎ: برضو في المزرعة.
المذيعة اتحيرت، قامت قالت ليه:
إنت ليه ﺑﺘﺴﺄﻟﻨﻰ ﺍﻟﺒﻴﻀا وللا السودا، مادام إجابتك هي ﻧﻔﺲ ﺍﻻﺟﺎﺑﺔ ؟
ﻗﺎﻝ ﻟﻴﻬﺎ : لا الحقيقة البيضا دي بتاعتي!
قالت ليه: طيب والسودا ؟
قال ليها: برضو بتاعتي!!!
**************

مسطول داير يغسل عربيته بدا يغسل من النمره قالو ليه بديت بي النمره ليه ؟؟! أنقروا قال ليهم شنو ؟؟!
قاليهم مره بديت من السقف لما تميت الغسيل لقيت دي ما عربيتي!!!
**************

ﻣﺴﻄﻮﻝ ﻗﺎﻋﺪ ﺑﺸﺮﺏ ﻓﻲ ﺳﺠﺎﺭﺓ ﻟحدي ما أﻏﻤﻲ عليه..
قاموا ودوه المستشفى..
أول ما دخلوه على الدكتور،
قام الدكتور ﻗﺎﻝ ﻟﻴﻪ: ﺟﺮ ﻧﻔﺲ
ﺍالمسطول قال: ﺑﺎﻟﻠﻪ ﻫﻲ ﻟﺴﻪ ﻣﻮﻟﻌﺔ ؟؟!
**************

مسطول شاحن بهائم الضابط وقفو قال ليهو اخوانك ديل موديهم وين ؟؟؟؟
المسطول قال ليهو ماشي اقدم ليهم في كلية الشرطة
**************

ﻣﺴﻄﻮﻝ ﻗﺎﻟﻮ ﻟﻴﻬﻮ ﺍﻧﺘﻘﺪ ﺍﻟﺒﻠﺪ ﺯﻱ ﻣﺎ ﺍﻧﺖ ﻋﺎﻳﺰ
ﻗﺎﻝ ليهم:
وين حرية الرأي ؟
.......وين المساواة ؟
.........وين قروش الشعب ؟
.........وين ا لشغل ؟
......وين موديني ؟
... وين أنا ؟
ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻱ !!!
**************

ﻣﺴﻄﻮﻝ إﺷﺘﺮﻯ ﻃﺒﻖ بتاع قنوات فضائيه ﻣﻦ ﻭﺭا أﻫﻠو
ﻭﻗﺎﻝ ليهم: أﻧﺎ إﺷﺘﺮﻳﺖ ﻛﻠﺐ ﻛﺒﻴﺮ
متوحش وخطير خليتو فوق في السطوح،
ﻣﺎﻓﻲ ﻭﺍﺣﺪ ﻳﻄﻠﻊ ﻓﻮﻕ ﺡ ﻳﺎﻛﻠﻜﻢ
عنده أخوهو مسطول كبير، قام طلع فوق يستكشف!
...بعد شوية ﻧﺰﻝ ﻳﺮﺟﻒ!!
ﺳﺄﻟﻮﻫﻮ: آها شفت الكلب؟؟؟؟
ﻗﺎﻝ ليهم : لا شفت الصحن البياكل فيهو !!!

**************

مسطول منحوس عمل المستحيل و سافر السعودية
اول ما وصل لقي مسابقة اشترك فيها
فاز بالجائزة ..
الجائزة طلعت....
رحلة الي السودان !!!
**************

مسطول بالمستشفى ركبو ليهو درب
بقى يغمض ويفتح عيونه؟؟
الجماعه قالو الزول داير يموت... فسألوه: مالك بتغمض و تفتح ؟؟؟!!
قال ليهم: جاري الشحن
**************

اتنين مساطيل لي درجة كل واحد بقول للتاني صاحبي اغبي من صاحبك قام الاول قال لي تعرف انو صاحبي اداني جنيه قال لي جيب برادو وهو عارف الجمعه السوق بكون مقفل .., ولا شنو ..التاني قال ليه هههه انا صاحبي ده غبي غباء شديد ياخ ده انا مره قاعد معاه في السوق قال لي انا ماشي اشوفك انت قاعد في البيت ولا لا بالله شوف الزول دا التلفونات دي سووها لي شنو ﺑﺎﻟﻠﻪ!!!

**************
واحد عمرو ١٠٢سنة جاء لي واحد مسطول قال ليه انا لي ٩٠سنة ماقاعد اصوم عايز اتوب واكفر عن ذنبي دا... المسطول عاين ليه كدا وقاليهو:
عندك خيارين اما تصوم عامين متتالين أو تطعم الصين!!!
**************

مسطوله عزموها عرس... مكتوب في كرت الدعوه: السيده فاطمه وكريماتها مشت العرس شايله معاها فازلين ونيفيا وجونسون وفير اند لفلي !!!
**************

ﻣﺴﻄﻮﻝ ﻋﻤﻞ ﺣﺎﺩﺙ ﺍﻧﻘﻄﻌﺖ ﻧﺨﺮﺗﻮ
ﻭاصبع رجلو الكبير
ودوهو المستشفى، الدكتور مسطول أكتر منه!!
قام ﺧﻴﻂ ﻟﻴﻪ اصبعو ﻣﻜﺎﻥ ﻧﺨﺮﺗﻪ ﻭﺍﻟﻨﺨﺮﻩ مكان الاصبع !
ﺑﻌﺪ ﻓﺘﺮﻩ ﺍﻟﺪﻛﺘﻮﺭ ﻗﺎﺑﻞ المسطول
قال ليه: آها ياخينا بقيت كيف ؟؟!
المسطول قال ليه: والله تمام
بس كل ما أعطس السفنجة تطير !!!

**************

مسطول جاء البيت دق الباب جاتو مرتو قال ليها افتحي عشان انا شايل زهووور للقمر الواقف خلف الباب
مرتو فتحت الباب وقالت ليهو ووووين الزهووور ؟
.
.
قال ليها وووين القمر ؟
**************

ﻣﺴﻄﻮﻝ قالوا ليهو: تصور في الصين عندهم مولود في كل دقيقة!
ﻗﺎﻝ ليهم : آهو التقدم والحضارة، والله التقدم يا كده يا بلاش ...
ﻣﺶ زينا نحن، ﻛﻞ تسعة ﺷﻬﻮر!!!

**************

مسطول ساطل سطلة مبالغة...
عيونو حمر شديد، وما قادر يحافظ على توازنه
وهو واقف في الشارع
وشغل يأشر للعربات المارة عشان تقيف تشيله..
جات عربية شرطة مليانة ضباط
أشر ليهم، قاموا وقفوا ليه، وزولك طوالي ركب...
وقعد في نص المقعد الخلفي بين ضابطين...
قالوا ليه: ماشي وين عشان نوصلك ؟؟!!
زولك اتلفت يمين شمال...
ما يشوف إلا الدبابير البتلمع!!!
- يا أخونا... سألناك ماشي وين !!!
- قال ليهم: الحراسة، الحراسة، الحراسة !!!

**************

» نكات سودانية
» نكات سودانية
» نكات سودانية
» نكات مصرية جديدة
» نكات سعودية جديدة